O primeiro informe sobre violencias machistas dixitais do Observatorio ‘Stop Machitroles’ presentarase o 27 de xaneiro

A Cátedra de Feminismos 4.0, a través do seu Observatorio Stop Machitroles, presentará o seu primeiro informe sobre violencias machistas dixitais o próximo 27 de xaneiro ás 11:00h.

Obradoiro de autodefensa dixital

Pola tarde, de 16 a 18 h, o colectivo Donestech² impartirá un obradoiro práctico en formato online sobre autodefensa dixital feminista con perspectiva de xénero. A través del, as persoas participantes poderán coñecer e combater os distintos tipos de violencias machistas dixitais.

A inscrición no taller pódese facer no seguinte formulario: https://bit.ly/ObradoiroAutodefensaDixital

Este obradoiro en liña continuará nunha segunda sesión o 3 de febreiro pola tarde, no mesmo horario.

Podes consultar o programa completo aquí.

INFORMACIÓN ADICIONAL

¹ Sobre Elisa García-Mingo

Elisa García-Mingo é profesora axudante doutora no Departamento de Socioloxía: Metodoloxía e Teoría da Universidade Complutense de Madrid. As súas liñas de investigación sitúanse na Socioloxía do Xénero, a Socioloxía da Violencia, os Estudos Culturais e a Metodoloxía da Investigación Social e actualmente é investigadora principal do proxecto financiado pola Fundación de Axuda contra a Drogadicción “Novas na manosfera: Influencia das subculturas dixitais masculinistas na percepción da violencia sexual entre homes novos españois”.

² Sobre Donestech

Donestech é un colectivo que investiga e intervén no campo das mulleres e as novas tecnoloxías. Naceu en Barcelona en 2006 e converteuse en clave para entender a investigación e acción ciberfeminista, sobre todo no mundo latino, feminista e nas contornas activistas. Desde Donestech realizáronse diversas investigacións sobre as mulleres nas tecnoloxías e foron pioneiras na investigación-acción ciberfeminista.