O Congreso Mulleres na ciencia – Conferencia virtual de Ecoloxía, organizado polo equipo WISE (siglas en inglés de Women in Science-Ecology, “Mujer en Ciencia y Ecología” en español) celebrarase se forma virtual do 4 ao 6 de novembro de 2020.
Durante a conferencia, abordaranse varios temas, incluíndo datos sobre prexuízos de xénero no ámbito académico e na investigación, sobre a maternidade, o acoso, o liderado e a visibilidade das mulleres na ciencia.
Para profundizar neles, o programa dividiuse en función destes temas. Podes saber máis sobre o programa na súa web.
Podes rexistrarte aquí.
Sobre o WISE
O equipo do WISE representa a comisión de igualdade da Asociación Española de Ecoloxía Terrestre (AEET). Esta comisión naceu co propósito de lograr un obxectivo a longo prazo: promover a diversidade no mundo académico.
O seu equipo cre que é necesario protexer e facer visibles aos grupos historicamente discriminados, como as mulleres e as persoas LGBTIQ, en calquera campo da ecoloxía, porque a sociedade do coñecemento require un espazo académico diverso e tolerante, acorde coa realidade social.
A AEET é un grupo de persoas especialmente conscientes do valor da diversidade. Saben que só promovendo a diversidade dentro do seu colectivo podens xerar unha contorna o suficientemente enriquecedora e inclusiva como para que xurdan ideas innovadoras e proxectos novos que fagan avanzar o coñecemento da ecoloxía terrestre, e que dean respostas á crise ecolóxica actual.