Convócanse os Premios EGERIA á inclusión da perspectiva de xénero nos Traballos de Fin de Grao e de Máster, 2019/2020. A continuación detállanse as principais características.
Obxecto
Recoñecer, publicitar e premiar os mellores Traballos de Fin de Grao (TFG) e de Máster (TFM) que inclúan a perspectiva de xénero realizados polo alumnado da Universidade de Vigo.
Nº de premios:
- Convócase 1 premio de TFG por cada un dos seguintes grupos:
- Rama Xurídico – Social
- Rama Ciencias – Rama Ciencias da Saúde – Rama Enxeñaría e Arquitectura
- Rama Artes e Humanidades
- Convócase 1 premio de TFM por cada un dos seguintes grupos:
- Rama Xurídico – Social
- Rama Ciencias – Rama Ciencias da Saúde – Rama Enxeñaría e Arquitectura
- Rama Artes e Humanidades
Contía:
- Premio de TFG: 500 €
- Premio de TFM: 600 €
Requisitos
Ter presentado o Traballo Fin de Grao ou Fin de Máster na Universidade de Vigo no curso 2019/2020 e obter unha cualificación mínima de 8.
Solicitude e prazos
As persoas solicitantes deberán cubrir o formulario online no seguinte enlace, descargalo e presentalo na sede electrónica da Universidade de Vigo a través da Instancia Xenérica (SXER) existente na sede, poñendo en Asunto “premios Egeria”, achegando unicamente o arquivo coa solicitude.
O prazo de presentación de solicitudes será dende o día seguinte ao de publicación desta convocatoria ata o 21 de setembro de 2020 ás 23:59 horas (hora peninsular española).
Máis información
Máis detalles para a presentación de candidaturas no seguinte enlace.
