O 28 de outubro preséntase o cuarto informe Radiografía da violencia machista dixital na prensa galega

A Cátedra de Feminismos 4.0, a través do seu Observatorio Stop Machitroles, presentará, o próximo 28 de outubro ás 11:00h o seu cuarto informe de resultados, titulado Radiografía da violencia machista dixital na prensa galega. A presentación terá lugar na sala de prensa do edificio Redeiras en Vigo (rúa da Ribeira do Berbés, 11).

A apertura do acto correrá a cargo da deputada de Benestar Social e Igualdade da Deputación Pontevedra, Sandra Bastos, e será conducido pola directora académica da Cátedra de Feminismos 4.0 DEPO-UVigo, Águeda Gómez.

Trala lectura do resumo executivo do informe, a xornalista Marga Tojo, vogal da Asociación Xornalistas Galegas, dará a súa visión sobre o tratamento da violencia de xénero nos medios, e, posteriormente, haberá unha quenda de preguntas aberta a prensa e público asistente.

O evento poderá seguirse en liña a través da canle Directo 1 da UVigoTV, no seguinte enlace: https://bit.ly/StopMachitroles2024