O 14 de novembro preséntase o informe «A violencia machista dixital a través da prensa galega»
A Cátedra de Feminismos 4.0, a través do seu Observatorio Stop Machitroles, presentará, o próximo 14 de novembro ás 11:00h, o seu segundo informe de resultados, titulado A violencia machista dixital a través da prensa galega.
A apertura do acto correrá da conta da deputada de Turismo e Xuventude da Deputación de Pontevedra, Ana Laura Iglesias. Pola súa banda, a directora da Unidade de Igualdade e Cátedra de Feminismos 4.0 da Universidade de Vigo, Águeda Gómez, será a encargada de clausurar o evento.
Tras unha lectura abreviada do informe, a experta Estíbaliz Linares Bahíllo presentará o seu traballo Ante as (Ciber)violencias machistas, estratexias e mecanismos resistentes e, posteriormente, haberá unha quenda de preguntas aberta ao público.
O evento poderá seguirse en liña a través da canle Directo 2 da UVigoTV, no seguinte enlace: https://bit.ly/StreamingStopMachitroles2
As persoas que o desexen poderán asistir presencialmente á sede da Deputación de Pontevedra en Vigo (Rúa Eduardo Chao, 17).
Programa completo
Podes consultar o programa completo da xornada aquí.