Póster científico / 4ª edición Cátedra Feminismos 4.0
A Outra Cara da Edición Feminina en Galicia: Ilustradoras, Maquetadoras e Tradutoras no Século XXI
Este proxecto investiga a participación das mulleres na industria editorial en Galicia desde finais do franquismo ata a actualidade. Céntrase na recollida e análise de datos sobre diversas funcións femininas no sector, incluíndo roles como editoras, ilustradoras e tradutoras.
Mediante a exploración de arquivos e entrevistas con editoras actuais, o proxecto busca crear unha base de datos detallada e unha representación dixital dos achados, incluíndo material gráfico, textual e un mapa xeográfico. O obxectivo é destacar a contribución feminina nesta industria e a súa evolución ao longo do tempo.
Investigadora responsable: Rocío Hernández Arias.