A Cátedra de Feminismos 4.0, impulsada pola Deputación de Pontevedra a a Universidade de Vigo, celebrará o próximo 3 de decembro a segunda edición do workshop “Sociedade dixital e xénero. Hackeando o patriarcado“, co obxectivo de manter activo un espazo de reflexión colectiva ao redor do denominado “patriarcado dixital”.
A sesión é aberta ao público e desenvolverase en liña a través do “Canal Directo 1 de UVigoTV” na seguinte ligazón:
Enlace de acceso ao workshop en liña
A apertura do acto será ás 9.30 h e contará coa participación de Carmela Silva Rego, presidenta da Deputación de Pontevedra, e Manuel Joaquín Reigosa Roger, reitor da Universidade de Vigo. A continuación desenvolveranse diversas intervencións e mesas redondas nas que participarán mulleres referentes no eido das carreiras STEAM (Ciencia, Tecnoloxía, Enxeñería, Arte e Matemáticas) e, pola tarde, realizaranse dous obradoiros (Maratón wikifeminista e obradoiro virtual STOPmachitroles).
Podes consultar o programa completo do workshop no seguinte enlace:
Se queres participar nalgún dos obradoiros da tarde, podes inscribirte nesta ligazón:
Máis información en:
Unidade de Igualdade – Universidade de Vigo
Tfno.: 986 813 419 – igualdade@uvigo.es