A Cátedra de Feminismos 4.0 estrea o seu boletín trimestral
A Cátedra de Feminismos 4.o, impulsada pola Deputación de Pontevedra e a Universidade de Vigo, vén de realizar o lanzamento do seu boletín trimestral, no que se difundirán as últimas novidades sobre as súas actividades, investigacións e documentos. Ademais, o boletín tamén achegará información de actualidade doutras entidades relacionadas co feminismo 4.0 e coa visibilización e promoción das mulleres nos eidos STEAM (siglas en inglés de ciencia, tecnoloxía, enxeñería, arte e matemáticas).
O boletín terá un tema destacado de apertura, que no seu primeiro número está centrado na dispoñibilidade dos stickers das caretas ilustradas Bravxs.
As novidades achegarán información sobre accións ou informes de relevancia, sobre todo dos que parten da propia Cátedra. No seu lanzamento, o boletín céntrase na investigación realizada pola Unidade de Igualdade da Universidade de Vigo sobre a fenda de xénero en investigación durante a pandemia, así como as intervencións do workshop Hackeando o patriarcado de 2020.
Tamén se inclúen citas de mulleres referentes e enlace á nosa nova sección Mulleres na Ciencia, na que se poden consultar figuras destacadas dos campos STEAM, tanto do pasado como do presente, e que se irá actualizando continuamente.
Na súa estrea, as persoas suscritas poden descubrir as investigacións da Cátedra na súa segunda edición, pero tamén outros enlaces de interese e recursos doutras entidades.
Se é do teu interese, podes subscribirte ao boletín no seguinte enlace.
